นาม สพฺพสตฺตานํ อายุํ ปาเลติ ชีวิตํ รกฺขติ ฯ ตํเยว โภชนํ วิสมโกฏฺฐสฺส
มนฺททุพฺพลคหณสฺส ปวิปาเกน ชีวิตํ หรติ ฯ เสโน มหาราช โทโส โภชนสฺส โกฏิฐสฺเสเวโส
โทโส ยทิทํ อคฺคิทุพฺพลตา เอวเมว โข มหาราช วิสเม ลิงฺเค อรหตฺตํ ปตฺโต คิหี
ตสฺมึเยว ทิวเส ปพฺพชติ วา ปรินิพฺพายติ วา ฯ เนโส มหาราช โทโส อรหตฺตสฺส
คิหิลิงฺคสนฺเสเวโส โทโส ยทิทํ ลิงฺคทุพฺพลตา ฯ ยถา วา ปน มหาราช ปริตฺตํ ติณสลากํ
อปุริ ครุเก ปาสาเณ ฐปิเต ทุพฺพลตาย ภิชชิตฺวา ปริปตติ เอวเมว โข มหาราช
คิหี อรหตฺตํ ปตฺโต เตน คิหิลิงฺเคน ตํ ธาเรตุํ อสกฺโกนฺโต ตสฺมึเยว ทิวเส ปพฺพชติ
วา ปรินิพฺพายติ วา ฯ ยถา วา ปน มหาราช ปุริโส อพโล ทุพฺพโล ปริตฺตปุญฺโญ
มหารชฺชํ ลภิตฺวา ขเณน ปริวชฺชติ ปวิธํสติ โอสกฺกติ น สกฺโกติ อิสฺสริยํ ธาเรตุํ เอวเมว
โข มหาราช คิหี อรหตฺตํ ปตฺโต เตน คิหิลิงฺเคน ตํ ธาเรตุํ น สกโกติ ฯ เตน
การเณน ตสฺมึเยว ทิวเส ปพฺพชติ วา ปรินิพฺพายติ วาติ ฯ สาธุ ภนฺเต นาคเสน
เอวเมตํ ธาเรยฺยามีติ ฯ

คิหีอรหตฺตปญฺโห ตติโย ฯ

ภนฺเต นาคเสน ภาสิตํปิ เหตํ ภควตา อหํ ภิกฺขเว ปุพฺเพ มนุสฺสภูโต
สมาโน สตฺตานํ อวิเหฐกชาติโก อโหสินฺติ ฯ โส ปน โพธิสตฺโต โลมกสฺสโป นาม
อิสิ สมาโน จนฺทวตีกญฺญํ ทิสฺวา อเนกสเต ปาเณ ฆาตยิตฺวา ปาปเปยฺยํ มหายญฺญํ
ยชิ ฯ ยทิ ภนฺเต นาคเสน ตถาคโต ปุพฺเพ มนุสฺสภูโต สมาโน สตฺตานํ อวิเหฐกชาติโย
อโหสิ เตนหิ โลมกสฺสเปน อิสินา ปาปเปยฺยํ มหายญฺญํ ยชิตนฺติ ยํ วจนํ ตํ
มิจฺฉา ฯ ยทิ โลมกสฺสเปน อิสินา สมาเนน ปาปเปยฺยํ มหายญฺญํ ยชิตํ เตนหิ ตถาคโต
ปุพฺเพ มนุสฺสภูโต สมาโน สตฺตานํ อวิเหฐกชาติโย อโหสีติ ยํ วจนํ ตํ มิจฺฉา ฯ
อยํปิ อุภโต โกฏิโก ปญฺโห วิสโม ทินฺนิวิทฺโธ ทุนฺนิพฺเพธนีโย ทุนิวาหโน ตวานุปฺปตฺโต
โส ตยา นิพฺพาหิตพฺโพติ ฯ
ภาสิตมฺปิ เหตํ มหาราช ภควตา อหํ ภิกฺขเว ปุพฺเพ มนุสฺสภูโต สมาโน
สตฺตานํ อวิเหฐกชาติโก อโหสินฺติ ฯ โลมกสฺสเปน จ อิสินา สมาเนน อเนกสเต
ปาเณ ฆาตยิตฺวา ปาปเปยฺยํ มหายญฺญํ ยชิตํ ฯ ตญฺจ ปน มหาราช ราควเสน
วิสญฺญินา โน สเจตเนนาติ ฯ อฏฺฐิเม ภนฺเต นาคเสน ปุคฺคลา ปาณํ หนนฺติ ฯ
กตเม อฏฐ ฯ รตฺโต ราควเสน ปาณํ หนติ ทุฏโฐ โทสวเสน มุฬฺโห โมหวเสน